martes, 24 de maio de 2016

Panquecas de remolacha e espinacas con salsa de manga e curry

Veunos o soliño e con el a inspiración para experimentar na cociña e argallar novas receitas. Tan novas, que mesmo algún produto nunca antes o probáramos. Así que fomos á aventura, tirándomos de verduras. E si, saíu ben.
E que vén sendo isto das panquecas? Pois é unha adaptación do termo inglés "pancakes", típica xa no portugués e que nós recollemos para o galego por a considermos axeitada para a comprensión do prato. Xa sabedes que, en casos de dúbida, temos toda unha fonte de recursos no portugués, tanto de Portugal como de Brasil e demais territorios lusófonos.
Aínda que máis que o nome, o importante está no sabor. E aí vai depender do comensal, coma sempre, mais o que esta receita asegura é unha nova experiencia tanto por sabor como pola textura outorgada a certos ingredientes cos que non estamos afeitos a traballar así. 
Estas "tortitas" permítennos xogar coa comida, algo que nos encanta, para despois saborear o resultado personalizado. Así que, ollade a nosa proposta e despois, xulgade ;-)

Panquecas de remolacha e espinacas con salsa de manga e curry


Ingredientes:

Para as panquecas de remolacha (para 4 unidades):
  • 4 remolachas pequenas (ou 2 grandes)
  • 1 ovos
  • 40 gr de fariña
  • 1 chisco de lévedo en po
  • Pementa moída
  • Sal
  • Unha cullerada de aceite
Para as panquecas de espinacas (para 4 uds.):
  • 200 gr de espinacas
  • 1 ovo
  • 25 gr de fariña
  • 25 ml de leite
  • Pementa moída
  • Sal
  • Unha cullerada de aceite
Para a salsa de manga e curry:
  • 1/2 manga
  • 1 cullerada de curry
  • 1 cullerada de mostaza doce
  • 2 culleradas de vinagre
  • Un chisco de sal

Utensilios: unha pota, tres cuncas, un batedor eléctrico, unha tixola (ou dúas) e unha espátula (ou dúas). 

Elaboración:


Para comezarmos facemos a salsa de manga e curry e, para iso, temos de botar a manga picada xunto co vinagre, o curry e a mostaza. Nós utilizamos mostaza antiga, e despois, probándoa coa doce decatámonos de que sabe moito mellor. 




Trituramos co batedor eléctrico e reservamos mentres facemos as tortitas. 


A continuación, preparamos a masa para as tortitas de remolacha. Fervemos as remolachas, escoámolas e engadímoslles o ovo. 


Despois, a fariña, o lévedo e sazonámolas coa pementa moída e o sal. 



Batemos coa axuda do batedor eléctrico e reservamos. 



Despois, facemos a mestura para as panquecas de espinacas. Botamos as espinacas no vaso do batedor ou nunha cunca, lavadas e escoadas. 


Agregamos o ovo, o leite e a fariña. 





Batemos, de novo, coa axuda do batedor eléctrico. 


Quentamos a(s) tixola(s) cunha cullerada de aceite e engadimos unha pouca da mestura anterior, intentando darlle unha forma redondeada. 


Cando comecen a burbullear e vexamos que xa están feitas por un lado, dámoslles a volta coa axuda dunha espátula e deixamos que se cociñen polo outro lado. Aproximadamente 2 minutos por cada lado.

Servimos acompañándoas da salsa de manga e curry.


Aínda que non logramos capturar a beleza cromática do prato, si vedes que se logran cores moi chamativas debido á intensidade que ofrecen a remolacha e as espinacas, cun labor máis eficaz que o de calquera colorante.
Iso si, bós podedes probar a mesturar eses dous produtos ou a utilizar aquel que máis vos chame a atención para esta elaboracións. Agora a idea xa fica aquí, para sempre con vós. Lémonos, bolboreteir@s!

4 comentarios:

  1. Tengo que probarlas si o sí, me ha encantado la idea, gracias por compartirlas

    Un abrazo y ten un bonito día

    ResponderEliminar
    Respostas
    1. Grazas a ti, por lernos e estar sempre interactuando con nós!!
      Apertas!

      Eliminar
  2. Me encanta esta versión salada de los pancakes seguro que están de vicio, los colores son muy llamativos.
    Bicos mil y feliz finde wapisima 😘

    ResponderEliminar
    Respostas
    1. Sii, chaman moito a atención e o sabor é moi sorprendente!! 😘😘

      Eliminar