martes, 18 de agosto de 2015

Biscoito rápido e saudábel de plátano e chocolate

Martes especial para unha nova receita. Especial aquí en Viveiro porque estamos de pos-San Roque e de pre-Naseiro. E por iso, aproveitamos para coller unhas pequenas vacacións. Así pois, esta será a última receita que presentemos até o sábado 29 de agosto, o que non significa que non sigamos a recordar a través das redes sociais algunha dos nosos mellores pratos. Mais nestes 5-6 días de festa, pouco tempo vai quedar para cociñar, e menos para vos escribir como corresponde as receitas. Estaremos a tope co Naseiro, a Romaxe do bo xantar desde venres (Día do polbo) até martes, cinco días de moita troula. E non hai troula galega en que non falte a boa comida :-)
Mais entretanto, cómpre desfrutarmos desta última larpeirada, saudábel e perfecta para @s máis impacientes, xa que non habedes de tardar nada en ver o froito do voso traballo. Arredor de cinco-dez minutos entre amasado e cocción. E ademais, vedes como se poden degustar lambonadas sen excesos de azucre. Ollade ;-)

Biscoito rápido e saudábel de plátano e chocolate


Ingredientes:
  • 2 claras de ovo
  • 1 plátano
  • 2 culleradas e media de flocos de avea
  • 1 cullerada de cacao puro 0%
  • 1 cullerada de vainilla
  • 1 culleriña de lévedo en po
  • 1 cullerada de leite descremado (opcional)
  • Para decorar: lascas de plátano e fídeos de chocolate

Utensilios: cunca apta para microndas, batedor eléctrico e vaso batedor. 

Elaboración: 

Para comezarmos temos que botar no vaso do batedor as dúas claras. 



Engadimos a avea e o lévedo. 


 O cacao e a cullerada de vainilla. 


Botamos o plátano en anacos. 


Trituramos co batedor eléctrico. Se vedes que queda unha masa moi espesa, podedes engadir a cullerada de leite. 


 Botamos a mestura nunha cunca apta para microndas.


Cociñámolo a máxima potencia no microndas durante 3 minutos. 


Desmoldamos o biscoito e decorámolo cunhas lascas de plátano e uns fídeos de chocolate. 


E xa está preparado para comer!! Que aproveite! 


Non vos parece unha sorte que existan receitas tan sinxelas e rapidísimas de elaborar? Para nós desde logo é un grande recurso para as merendas ou almorzos. Aínda tendo pouco tempo, que marabilla podemos facer!
Despois do biscoito fugaz que tanto éxito tivo, traemos outro biscoito rápido en versión saudábel e cun toque a plátano que os vosos padais han de agradecer. Unha aperta e desfrutade das últimas semanas de agosto! Vémonos no Naseiro, amig@s!

7 comentarios:

  1. me encanta la combinacion chocolate-platano y en version bizcocho, pura delicia! bicos

    ResponderEliminar
    Respostas
    1. Sii, a nós tamén nos encanta! E este biscoito ao facerse en 3 minutos aínda é mellor!!
      Bicos!

      Eliminar
  2. me encanta la combinacion chocolate-platano y en version bizcocho, pura delicia! bicos

    ResponderEliminar
  3. Que jugoso y rico se ve! Me ha encantado, tenéis recetas muy ricas y apetecibles. Me quedo a disfrutar de ellas

    Un abrazo y tener una preciosa semana

    ResponderEliminar
  4. Uummmmmmmmmm a que hora dices que me pase a cenar , seguro esta de rexupete a mi me encantaria seguro chocolate y platano uuummmmmmmmm ,te ha quedado de relujo al igual que la mermelada.
    Bicos mil wapa.

    ResponderEliminar
    Respostas
    1. Hahahahaha! Moitísimas grazas. Alegranos moito que che guste!
      Unha aperta!

      Eliminar